صوره صعبه

اكتر صوره بتخلينى اكره نفسى
بكره نفسى لما اروح اشترى حاجه اكلها ومبكنش جعانه بس بشتريها عشان اكل انا وصحابى
بكره نفسى لمااروح اشترى لبس عشان اغير فيه وغيرى مش لاقي لبس واحد يدفا بيه
بكره نفسي عشان بنسي الناس الغلابه ومبفكرش فيهم كل يوم ومبشكرش ربنا على النعم اللى فضللنى بيها على كتير من عباده
باحسد الغلابه انهم هيتحسبو قبل الاغنياء يوم القيامه (الاغنياء فى زمنا اللى البواب بيجيب لهم العيش كل يوم ومبيقفوش فى الطبور الاغبياء فى زمنا اللى مش فارق معاه تمن ازازه الزيت الاغناء فى زمنا اللى بيكلو لحمه وفراخ من غير ميعملو جمعيه عشان يكلوها مره فى الشهر)
انا مش بقول منكلش ومنلبسش بس من غير اسراف ونفتكر واحنا بنشترى ان فى ناس مسلمه بتموت من الجوع وبتضور فى الزباله على لقمه تكلها
ايه رايكم لو فى يوم هنخرج مع صحابنا ناكل بره نشترى الاكل ونروح نديه لحد غلبان يمكن ربنا يرحمنا بالعمل ده
ايه رايكم لما نشترى عصير وبسكوت بكتفى بالبسكوت وندى العصير للولد او لبنت اللى بيشحتو فى الشارع يمكن ربنا يرحمنا بالعمل ده

اللهم استعملنا ولاتستبدلنا

سمعتم عن حمله حمايه للاستاذ عمر خالد يلا الاسبوع الاول قرب يخلص مين فينا لزق البوستر مين فينا نشره فى اميل يمكن ربنا يهدى على ايدينا مدمن يارب كل مدمنى المخدرات يتحولو لمدمنين حب الله انشر لعل بعملك هذا يرحمك الله

رز اللى بحق وحقيقى

تصورو جالى اميلات وفكسات ورسائل على الموبايل من الامهات اللى عملت فيهم جميل وقالولى بالفظ ده (ياروينا انتى شلت عنا الحمل بتاع العيال من بعد مكتبتى الفراخ المسلوقه والبت معدش جوزها بيغضبها والبت التانيه خطيبها بقا بيبوس ايدى عشان يكتب الكتاب بعد مكنت انا اللى ببوس ايده)وغيرها من الرسايل

فشكرا لكم على ثقتكم بيا فانا شمعه تحترق من اجلكم

عشان كده قررت انى اكتب طبخه تانيه اتفضلو وركزو وأنسو بقا اى طريقه كنتم تعرفوها عن الرز قبل كده

1_تجيبى 3كبيات رز من تحت السرير(مش شرط تحت السرير بتختلف من بيت لاخر)

2_تنقى الرز من الرواسب اللى فيه (هيبقى الرز كوبيتين اتاكدى بنفسك لان ده الغلط اللى البنات بتقع فيه

البنت منهم تقول منا عايرت الرز كويس امال مش مظبوط ليه)

3_تغسلى الرز مره واتنين وثلاثه لحد متلقيه ابيض كده ويشرح القلب الحزين(بقا الرز كبايه ونصف ياريت تتاكدى فى كل خطوه بقا اد ايه)

4_تجيبى الحله الغويطه اللى كنا سلقيين فيها الفراخ وتحطيها على النار وتضعى عليها ملعقه سمنه كبيره

تستنى لحد متسيح متستعجليش لان فى العجله الندامه

5_تضيفى الرز وتقعدى تقلبى لحد متلقيه اتشوح (مش عارفه ليه دايما يقولو شوحى الرز طيب فهمنا الرز طيب يعنى ايه شوحى)

6_تملى كبايه ونصف ماء تكون الكبايه نفس اللى ملتيها رز قبل كده

7_تضيفى الملح على الرز قبل ما الميه تغلى مقدارالملح ايه؟؟لا يا فلحه مش قبضه يد ده كان على كيلو رز

ضعى نصف قبضه يد

8_تسيبى المايه تغلى مع الرزعشر دقائق وبعدين توطى النار(ملحوظه متقلبيش الرز )

9_اطفى البوتجاز واغرفى ودوقيهم الرز المعجزه

قبل ممشى هديكم كمان هديه اصلى كريمه اوى وشاطره جدا و (مش عايزه اتكلم عن نفسى)

السلطه

تقطعى الطماطم

وعليها حاجه خضره (حسب الموجود فى التلاجه)

وبصله صغيره (الله يمسيكى بالخير يا امو سامح من يوم مسفرت السودان وانا محتاسه اصل ام ابرهيم مبتخزنش بصل) تبشرى البصل وتحطى عليه فلفل اسمر وملح وتقلبيه على السلطه وبالهنا والشفا

هنعمل ايه؟؟؟؟؟؟؟؟؟؟

والله مش هنموت لو مشربناش بيبسى ومش هنموت لو مرحناش بيتزا هت ومش هنموت لو مشترناش منتجات امريكا ومش هنموت لو مشترناش منتجات الدينمارك

بس هنموت .....وهيموت اهل فلسطين ويذهب المال ويبقى اعمالنا عند الله

تخيلو لو صحينا الصبح وفتحنا التليفزيون ولقينا كل القنوات بتقول خبر واحد( امريكا هدمت الكعبه)

متهيقلى مفيش مسلم هيقول هو انا يعنى بايدى حاجه اعملها

مفيش مسلم هيقول دى امريكا هو احنا هنقدر على امريكا

مفيش مسلم هيقول هشترى منتجات امريكا عشان فى مصريين

مينقطعش رزقهم

مفيش مسلم هيفوت صلاه الا ميدعى عليهم
مفيش رئيس دوله هيقول نحن نشجب نحن نستنكر نحن ندين

مفيش مسلم مش هيتبرع بالمال عشان نحارب امريكا
مفيش مسلم هيرفض انه يروح يحارب امريكا

مفيش مسلم مش هيبكى بدل الدموع دم
مفيش مسلم هينسى ولو يوم واحد ان الكعبه انهدمت

قال رسول الله صلى الله عليه وسلم

(لان تهدم الكعبه حجرا حجرا اهون عند الله من ان يراق دم امرىء مسلم)

ركزو اقراو الحديث مره واتنين وثلاثه وعشره

اهون عند الله من دم امرىء مسلم !!!!!!! مسلم وااااحد

عفوا اللهى سامحنى على تقصيرى فى حق اخوتى المسلمين

عفوا اللهى سامحنى انا لا افعل شى وكل يوم يراق دم مئات المسلمين
عفوا اللهى سامحنى لم افعل شئ عندما اراق دم هذا الطفل

طفل عنده خمس شهور اسمه محمد البرعى خده ابوه يصوره اول صوره له من يوم متولد ورجعو البيت محمد نام وابوه كان قاعد يقرا كتاب عن نهايه الصالحين وكان يقرا عن رجل صالح مريض والاطباء يحاولون تدليك قلبه لان قلبه توقف وقال الرجل الصالح لا اله الا الله رغم توقف قلبه ما اعظمها خاتمه

واستمر الاب فى قراءه الكتاب ولكن فجاه سمع صوت الصواريخ وانقطعت الكهرباء والبيت ينهدم عليهم فاسرع الاب يبحث عن ابنه ولكن لا يرى من شده الظلام اشعل القداحه وفجاه اسقط صاروخ اخر وسمع صرخه ابنه الوحيد !!!الذى انجبه بعد انتظار خمس سنوات فاسرع اليه ووقتها دخل عم الطفل الذى ظن انهم جميعا استشهدو لانهم لم يخرجو مثل كل جيرانهم الذى اصابتهم الصواريخ وهدمت بيوتهم

خرجت الام والاب يحملون ابنهم وحيدهم اسرعو اللى المستشفى سمع الاب الاطباء يقولون ان الطفل يريد تدليك لقلبه فعرف الاب ان محمد استشهد بيد الجبناءءءءءءءء

طيب دورنا ايه!!! هنعمل ايه!!! هنقول ياعينى ربنا يصبر امه وابوه ويمكن نعيط شويه وبعدين ننسى

زى منسينا محمد الدره وايمان وغيرهم ..........؟ونرجع نفتكر تانى لما يستشهد طفل اخر

بجد كفايه ده حتى التكرار يجيب الملل لازم نعمل حاجه

الدعاء فى كل وقت وفى كل صلاه لعل دعائك يستجيب ويخطىء الصاروخ الهدف وينجى طفل من الموت بدعائك لعل بدعائك يستجيب لك الله فتنجح عمليه استشهاديه

لعل دعائك يكون حجه لك يوم الحساب

استحلفك بالله ان تجيبو على سؤالى بكل صدق

لما تروحو تشترى زجاجه بيبسى وانتم بتشتروها بيكون هدفك تزود رزق العامل اللى بيشتغل

فى شركه بيبسى ولا بتشتريها عشان نفسك فيها؟

ان كان اجابتك بلا فلما تقول (اذا قاطعنا هينقطع رزق العمال فى الشركه)

ان كان اجابتك بنعم طيب لو مكنتش بتحب البيبسى هتشربو عشان خاطر عيون العامل

مثال_شركه بيبسى بتنتج عشر زجاجات وبيشتغل فيها خمس عمال وشركه شوبس بتنتج عشر زجاجات وبيشتغل فيها خمس عمال لو قاطعنا بيبسى العمال بتوع بيبسى مش هيلاقو شغل

وطلبنا من شوبس عشريين زجاجه فى اليوم فشركه شوبس هتحتاج خمس عمال فعمال البيبسى هيروحو يشتغلو فى شركه شوبس يعنى مش هينقطع رزقهم لان الرازق حى لا يموت

ومن ترك شىء لله عوضه الله خيرا منه

اعمللى صندوق فى بيتك واكتبى عليه (حجتى يوم العرض عليك)
وضعى فيه من مصروفك ولو ربع جنيه كل يوم انت واسرتك

وكل شهر تبرعى بيه لفلسطين(عليهم فى فلسطين ان يقدمو ارواحهم وعلينا ان نقدم اموالنا)

اسالكم الدعاء لى بظهر الغيب

فراخ مسلوقه

ايوه سمعاكى وانتى بتقولى هيا روينا فكرانا مش بنعرف نعمل فراخ مسلوقه ولا ايه
اه انا بقول لكم مش بتعرفو تعملو مش كل واحده حطت فرخه فى ماء مغلى وسبتها شويه على النار
يبقى سلقت فارخه براحه كده وركزو معايا شويه
المكونات
1_فرخه تكون حلوه كده وزنها يتراوح بين 2الى 3كيلو وحيتكم متسترخصوش
2_ماء بس ميكونش من الحنفيه ويستحسن ميكنش من مصر لان الماء فى مصرالصراحه خساره فى الفراخ لانه نقى وشفاف ولايوجد به اى رواسب مش قلت مره يا بختك ياواد يامصرى
3_بصلتين وكما اوصانا رسولنا صلى الله عليه وسلم بالجارو ليسود بينا وبين جيراننا الحب ولن يسود
الحب الا اذا رفعنا الكلفه ولن ترفع الكلفه الا اذا استلفنا البصلتين من ام سامح اللى فوقينا
4_ملح افتكر ان ام سامح مش هتقول حاجه لو طلبتو منها شويه ملح مع البصلتين
5_ورق لورا (ابصم بالعشره انكم مش عرفينو ولا حتى ام سامح عارفاه)ابعتو الواد سامح يجيبه من عند العطار
6_حبهان
7_حله غويطه
الطريقه اتبعوها بالحرف الواحد وبلاش فذلكه ومتعملوش فيها ابو العريف
اول حاجه نجيب الحله ونحط فيها الماء ونستنا لحد متغلى
وبعدين نحط الفرخه فى الماء ونضع عليها 4او5 حبهان وورق اللورا
وشويه ملح بمقدار قبضه اليد برده زى الرز اللى سبق وقلت لكم عليه
والبصلتين بتوع ام سامح ونفضل جنب الحله لحد ميتكون الريم بتاع الشوربه ونقعد نشيله بالمعلقه
ونسيبها على النار لحد متستوى
طيب يا فلحين هتعرفو ازاى ان هيا استوت هقول لكم متخفوش
تشدو الفرخه من جناحها ان انكسر ولقيتو الفرخه بقت مكسوره الجناح
يبقى استوت متفتكروش ان كده خلاص لا لسه
تطلعى الفرخه من الشوربه وتحطيها فى صنيه وتدهينيها بعصير برتقال
وتولعى الشوايه بتاع الفرن وتسبيها 10 دقائق مبرووووووووووووك
الفرخه خلصت وتقدرى تقدميها لاسرتك اللى مش هتصدق انك انتى اللى عملاها وبلاش تقولى لهم انك عارفه الطريقه من المدونه عشان متكبرش وانتم اللى هتخسرو لانكم مش هتعرفو تكلمونى وانتم عارفيين اللى فيه ذره من الكبر مش هيدخل الجنه

انا لله وانا اليه راجعون

السلام عليكم ورحمه الله وبركاته

معلش انى هخليكم تشركونى حزنى والله مكنت عايزه اكتب الرساله دى هو انتم ذنبكم ايه انا نفسى تدعو

لاخو صحبتى هو شاب عنده 26سنه ومات امبارح فجاه وله ثلاث اخوات بنات بجد حلتهم صعبه اوى ومامتو وباباه

ربنا يكون فى عنهم منهاريين كان معاهم وخرج اتاخر سالو عليه لقوه فى المستشفى ميت

اسالكم الدعاء

اللهم اجعل قبره روضه من رياض الجنه

اللهم ادخله الفردوس الاعلى من غير حساب

اللهم ارزق اهله رؤيه تقر عينهم بها وتبشرهم بها برضاك على عبدك

اللهم انزل عليهم الصبر والرضا

اللهم اغفر ذنوبنا ويسر حسابنا واجعل اخر اعمالنا خواتيمها

امين امين امين