اعرفكم بنفسى

السلام عليكم ورحمه الله وبركاته
اعرفكم باسمى الاول انا روينا( الصراحه ده مش اسمى انا مستلفاه من بنت عمى الصغيره)
عشان اعرف ادون براحتى انا من زمان كان نفسى اعمل مدونه واقعد اكتب برحتى
اكتب بقا رايئ اللى لو العالم معملش بيه هيتاخر
زى منتم شيفين العالم بيسوء ؟ صح يعنى مجبتش
حاجه من عندى انتم اللى قلتو ان رايئ مهم متخفوش مش هسيب العالم يسوء خلاص كفايه متتحيلوش عليا هقول رايئ
وكمان مش هنسى ابسط لكم رايئ يعنى هجزء العالم الى دول وليكن دوله مصر( بلدى اللى من اجمل دول العالم اه قبل متقولو انى ده مش رأيك وانتى بتنسبى اراء الناس وتقولى عليه رأيك انا بعترف وبقول ده رايء حبيبي
محمد صلى الله عيه وسلم لانه قال خير جنود الله جنود مصر
انبسط بقا يامصرى) عشان كده مش هسيب المصرى ومش هبخل عليه برايئ المصرى يعنى راجل وست ولد وبنت طفل وطفله
يعنى مثلا رايئ فى البنات ميسرش عدو ولا حبيب تصورو مبيعرفوش يطبخو وعايزين يتجوزو طيب اتعلمو الاول
بس الصراحه يابنات انتم معزورين(اه منا اقول اللى ليا واللى عليا )كنتم هتتعلمو ازاى من غيري احمدو ربنا انى معاكم يااااه فكرتونى لما كان ورايا امتحان فى ماده الطبيخ وقعدت جنبي بنت الصراحه اول مشفتها صعبت عليا لانها كانت بتعيط اوىىىىي قلت لها مالك يا.... هو انتى اسمك ايه قالت لى اسمى نظيره قلت لها مالك يا نظيره
قالت لى ماما امبارح كانت تعبانه اوى ومعرفتش ازاكر حاجه ونفسي انجح عشان افرح ماما وانتم عارفيين طبعا قلبى الرقيق قلت لها ولا يهمك يا بنتى المهم ورق الامتحان جه وبدانا نجاوب ونظيره كل شويه تقول لى اجابه السؤال الاول ايه يا روينا قلت لها ايه يا نظيره ده سهل اوى قالت لى منا عارفه بس زعللى على ماما نسانى كل حاجه على مفتكر يعنى كان السؤال مامقدارالملح لطبيخ كيلو رز؟قلت لها معلش يانظيره يختى ربنا يطمنك يارب اكتبى ورايا ج1 مقدار الملح الازم لكيلو رز مقدار قبضه يد
المهم سؤال ورا سؤال واقول لها اصبرى بس يا نظيره هكمل كتابه الطبخه دى
تقول لى كده يا روينا ده ماما هتموت لو منجحتش اقول لها بعد الشر اوعى تقولى كده تانى ان شاء الله هتنجحى
والامتحان خلص والنتيجه ظهرت والحمد لله و طلعت التانيه
وقلت اسال على نظيره عشان ينبنى ثواب تخيلو لقيت البت السوسه نظيره طلعت الاولى وكمان عملت كتاب
واسمه ماما نظيره وسالوها عن سبب تسميه الكتاب تخيلو قالت ايه (انا ماما كانت تعبانه واهدى لها نجاحى واصريت انى احط اسمها قبل اسمى ماما نظيره
مخبيش عليكم انا كان نفسي افخت لها عنيها
انا بحكى لكم الموقف ده عشان انصحكم من السوسسه اللى اسمها نظيره وعلى الاصل دور انا يعنى ...
اسبكم بقا دلوقتى ومستنيه استفسرتكم واسئلتكم (ورايكم فى رايئ)