انا جبت لكم هديه هتدعولى اوى لانى هنجدكم عشان ميحصلش لكم زى الامر اللى فى الصوره دى لان هى مسمعتش كلامى ومستعملتش بيكربونات الصوديميوه نسيت انى مدتكمش دروس الطبخ وطبعا مش عارفين ايه هو البيكربونات الصوديم
هقول لكم بس ركزو لانكم هتنبهرو بالنتيجه ده اللى بينحط على عجينه الطعميه يووووه
قولنا ركزو مش الطعميه هيا اللى تستعملوها دى تكلوها
الطريقه بعد محضرتك تخدى شور(0يدينى ويديكى طول العمر)خلاص متعملهاش مشكله نكتفى بشور عيد الفطر وعيد الاضحى تجيبى فوطه صغيره وتحطى عليها شويه بيكربونات وتدعكى بيها وبعد متخلصى اشطفي جسمك
اه لو اتهورتى وخدتى شور اكثر من مره فى الاسبوع البيكربونات مره واحده فى الاسبوع بجد هتلحظو فرق جميل
ولوشكم(وجهكم) السمح ده هاتى معلقه زبادى او قشطه وعليها ملعقه بيكربونات وادعكى بيها بس براحه وابعدى عن الفم عشان متكليهاش واغسلى وشك وياسلام لو بماء ورد
واحسن لكى اسمعى كلامى ومتعمليش زى الامر اللى فوق دى
لا اله الا الله
.jpg)
هناك تعليق واحد:
الف مبروك علي المدونة بجد هي حلوة اوي معلش مبروك جت متاخر شوية بس عادي بقي و بالنسبة للوصفات اللي انتي كتبها اوك انا هجربها و امري لله بس ربنا يستر و ماتكونش النتيجة ان يبقي شكلي ذي الست المريييييييييييييييبة اللي في الصورة اللي فوق دي هههههههه
إرسال تعليق