السلام عليكم ورحمه الله وبركاتهانا مش هدون تانى لحد مظبط نيتى لحد مقفل مداخل الشيطان للوصول ليا
لانى للاسف بحس انى مبضفش جديد
وخايفه تكون المدونه مش فى ميزان حسناتى
وتكون حجه عليا مش ليا والصراحه انا عايزه اظبط نيتى وتكون خالصه لوجه الله انا ليه بدون وايه اللى بضيفه للاسلام
ادعولى ربنا يوفقنى ويبينلى ويرشدنى الا ما يحب ويرضى
ماشاء الله المدونات حاجه جميله جدا وتعتبر اعلام بديل بس العيب فيا
لانى كتير مش بجدد نيتى او بحس ان النيه مش مظبوطه او عامه
يعنى اول مدونت قلت ان شاء الله هعمل وهعمل وهعمل بس معملتش حاجه
ادعولى بظهر الغيب ان ربنا يستعملنى ولا يستبدلنى
ادعولى لو التدوين خير ليا فى دنيتى واخرتى ييسره لي
ادعولى تكون نيتى خالصه لله
عايزه اقول لكم متخلوش الوقت يضيع منكم وجددو النيه قبل متعملو اى حاجه
واسالو نفسكم ايه نيتنا فى التدوين
وادعولى يمكن قرارى ده يكون مدخل شيطان ويكون قفل باب خير ليا
وليكن شعارنا(حياتى كلها لله)
لا اله الا الله محمد رسول الله
.jpg)
هناك 30 تعليقًا:
جميل جدا تجديد النية فانما الاعمال بالنيات
احييكى للفت نظرى على تجديد النية
وبالتوفيق دائما وهنستناكى
انتي مكلكعة الدنيا ليه بس .. مش لازم التدوين ده يبقي حاجة هتعيد المجد للامة الاسلامية .. اعتبري ان التدوين ده فضفضة .. رغي مع الاخرين و مع الذات ... يعني لما تكتبي موضوع و حد يقراه و يبسطه مش ده برده شي كويس ... بلاش تخلي التدين يخنقك .. اي حاجه تزيد عن حدها علي طول تقلب علي الضد .. ده قانون طبيعي في منتهي البساطة و القوة .. ايوه حتي التدين ممكن يكون كده
متزعليش من كلامي
أختي الكريمة روينا ..
جميل ان الواحد يجدد نيته قبل كل عمل .. ولكن لو كل واحد قعد وقال مش هاشتغل لحد ما اجدد نيتي عشان خايف تكون مش خالصه فكده محدش يعمل حاجه ..
لإن الشيطان عمره ما هيسيبنا وهيفضل يشككنا في نوايانا طول الوقت ..
بالنسبة لنقطة مش باضيف جديد فمين قال كده ؟!
التدوين عبارة عن خلق مجتمع والانضمام لمجتمع .. التدوين مش موقع بتعمليه عشان تحدديله أهداف وتتابعيها زتعمليله جدول تشغيل زي ما المواقع المهدفه بتعمل .. التدوين هو وجودك بذاتك وافكارك ونشرها عن طريق انعكاسها على حياتك ..
يعني انت مثلا لو اتكلمني في 50 بوست عن ان الالتزام معناه ان الواحده تكون منفتحه على الحياة وبتحب كل حاجه وبتحب المرح والاستمتاع بالحياة فكل ده انت قلتيه في بوست واحد عن الطبخ وكان عجبني جدا وقتها ..
يا روينا على النت دلوقتي في ناس بتنشر الانحلال من الهوية والاخلاق والقيم ومش بتتوقف ابدا عن التدوين زي قطة الصحراء دي مثلا .. مين هيواجه التيار ده ؟؟ مين هيوضح للدنيا جمال الاسلام لما تنسحبي ؟؟
وجود حضرتك زي ما انت بمواضيعك بشخصيتك بأفكارك وانعكاسها في كل مواضيعك حتى لو لم تتكلمي فيها بشكل مباشر ده نجاح في حد ذاته .. ونشر لفكرتك
ياأختي الكريمة تعلمنا دوما أن ترك العمل مخافة الرياء هو رياء ..
جددي نيتك .. وتوكلي على الله ..
لا حول ولا قوة الا بالله
كلنا بتمر بينا اوقات بنحس ان نيتنا مش متظبطة
لكن دا لا يعني اننا نستسلم
سيدنا عمر كان بيخاف علي نفسه من النفاق لكن عمره ما اعتزل الناس وبطل عمل
وبعدين هو الشيطان مش ممكن يدخلك من باب العجب بقرارك ده وانك كدا وصلت لدرجة عالية من الاخلاص و لغيتي مدونة انا شايفة ان ماشاء الله مميزة وتقدري تضيفي كتير بيها ان شاء الله
لا يا روينا ..مش دا الحل
اذا كان ربنا بيختبرنا في الاول هنتحرك ونعمل حاجة ايجابية للاسلام ولا لأ
فطبيعي لو نجحنا وعملنا هيبقي الاختبار اللي بعده هنخلص في العمل دا ولا لأ
مفيش مانع تاخدي وقت(مش كتير)تنقي فيه نيتك
لكن ان شاء الله ترجعيلنا قريب
علي فكره .. يحيي مستنيكي ومستعد يضغط علي نفسه وياكل المسقعة بتاعتك
ليه كدا يا روينا يعني لما اجي ازورك تمشي كدا
مستنياكي يا قمر
مش تغيبي وكلنا بتمر علينا الحالة دي
لكن مابنتوقفش عن التدوين
متتاخريش
رودي
السلام عليكم
والله يا روينا كتير منا مش بيحدد نيته وهوا على النت
فدا موقف رااائع منك
بس متتأخريش علينا ..مستنين بوستاتك بتاعت الدعوة وبوستات الطبيخ
أخوكى
الاخت الحبيبة روينا
قد قالواما اريدقوله
ولكن دعى نفسك لهدنةليست بالطويلة
مع محاولة تجديد ما كنتى قد عزمتى على فعله
وفقك الله
وحشتينى
السلام عليكم
الأخت الكريمة
علينا دائما أن نحس بالتقصير وألا نفخر بعملنا
لكن لازم نعبر عن نفسنا بأى طريقة وانا شايف بالعكس تماما ان معظم ما قدمتيه لينا شئ هادف لكن بأسلوبك الشخصى
وده المقصود من التدوين ولك إنسان ليه أفكاره ولازم يخرج اللى جواه علشان كلنا نستفيد من حصيلة اعمالنا
ارجو من الله ان يعينك على طاعته ويهديك للطريق الصحيح لما فيه من الصالح للإسلام وللمسلمين ولكى حتى ينفع الله بكى
monaliza
جزاك الله خيرا
ويارب ربنا يتقبل مننا
بجد اسعدنى ردك
Miso soup
اخى الكريم جزاك الله خيرا ...
كلام حضرتك مزعلنيش وعندك حق يعني لما قلت لى (تكتبي موضوع و حد يقراه و يبسطه مش ده برده شي كويس )لانه
هيبقى ادخال السرور على قلب مسلم
بس للاسف اختلف معك مره اخرى
التدوين بالنسبه لى غايه للدعوه لله لنهوض باسلامنا
وعمر ما التدين بيخنقنى بالعكس انا بتخنق لما ابعد عن تدينى ونتخنق لما اعمل حاجه ملهاش نيه
لان احنا اساسا عيشين عشان نحاول نعيد المجد للامه الاسلاميه
بسم الله الرحمن الرحيم(ما خلقت الجن والانس الا ليعبدون)صدق الله العظيم
وجزاك الله خيرا مره اخرى
أخ جامعة
كلام حضرتك اسعدنى جدا وفى الصميم
وافادنى جدا
(تعلمنا دوما أن ترك العمل مخافة الرياء هو رياء ..)
ويارب يجزيك خيرا على مجهودك ويارب اجعل نيتنا خالصه لوجهك الكريم
توكلت عل الله ولاحول ولا قوه الا بالله
ام يحيى
جزاك الله كل خير
ويارب يثبتنا فى الاختبارات
وفرحتينى كتيييير ان يحيى هياكل من المسقعه
وربنا يستر
بنوته مصريه
انا فرحانه بصداقتك
ويارب نكون احبه فى الله
ومتنسنيش فى دعائك
جزاك الله خيرا
إخوانى حتى النخاع
اه ولله يا اخوانى كتير مش بنجدد نيتنا
ربنا يرحمنا برحمته
جزاك الله خيرا
shaimaa samir
جزاك الله خيرا
ويارب يوفقنا الى مايحب ويرضى
جزاك الله خيرا
عمر المصرى
جزاك الله خيرايااخى فى الله
على دعائك لى وادعو الله ان تقول الملائكه ولك بالمثل
اللهم اجعلنا اداه لنصره دينك
ربنا يكرمك فعلا
انك فكرتى فى الموضوع ده
انا كمان لما قريت الموضوع اتأثرت و
قررت اتضامن معاكى وابطل اكتب لحد مراجع نيتى
وجزاكى الله خيرا
واه كله بيخش فى ميزان حسناتك
الحمد لله انا جدد نيتى فى الديقتين اللى فاتوا وقررت افك التضامن
وراجع اكتب تانى
الحمدلله
عقبالك
اوعى تفكر
هو انت لحقت ولااسم مدونتك خلاك مستعجل
كده والله حاجه كويسه
ويارب يكون فى ميزان حسناتنا
وادعيلى انا كمان افك التضامن
جزاك الله خيرا
لأ يا روينا قولى كلام غير ده
منين من أسبوع بس كنتى بتعلقى على مدونتى المتواضعة وتقوليلى يللا ابدأ اكتب
ومنين اليوم جاية عشان تشككى فى نواياكى؟؟؟
مبدأيا أنا شايف ان ده مدخل ممتاز من مداخل الشيطان و المدخل ده مكشوف أوى لدرجة انه مسبش حد ملتزم الا لما حاول يدخله منه وللأسف أكتر ان احنا كتير بنسيبه يدخلنا من المدخل ده
طيب انتى ليه هتدونى و ازاى هتنصرى الإسلام من خلال مدونتك ؟؟
أرد أنا على السؤال
أولاً مدونتك عمرها مش كبير عشان تبدأى تقيميها و تجلديها بالطريقة دى
كل اللى انتى تملكيه 3 بوستات يعنى دى مجرد البداية
ثانياً : مواضيعك نفسها كبداية أنا شايف انها ممتازة كوسيلة لجزب القراء و مدخل مهم جدا و سلس جدا تقدرى من خلاله انك تبدأى بقا تبرزى مواضيع جواها قيم وأهداف تخدمى بيها الإسلام وبكده تبقى حققتى الهدف بتاعك والغاية بتاعتك
ثالثاً: معنى انك تقفى عن التدوين ف ده شئ إيجابى سلبى ؟؟؟ يعنى ايه
ايجابى عشان تقفى تفكرى وتمشيش كده و خلاص و إيجابى أكثر لو الموضوع ده مطولش و قدرتى تجددى نواياكى و تدرسى الوضوع و تحطى خطة للمدونة هى ماشية ازاى
و سلبى لو الموضوع ده طول و قدر عم المثبط انه يخليكى تبعدى عن التدوين رغم ان حاسس انك بتفرغى فيه شحنات زى ما احنا معتبرين التدوين ده والمدونة كأنها بيت الواحد بيستريح فيه
طبعا كلامى مش مترتب لكن انا كاتب بسرعة بقا ف حاولى تفهمى قصدى
و مستنيين التدوينة الجاية قبل أخر الأسبوع و يا ريت تكون عن موضوع جديد لأن انا حاسس ان السبب فى اللى حصل ان انتى أخدتى جانب و حصرتى نفسك فيه لمدة 3 تدوينات اللى خو الطبيخ
راعى ان فيه ناس مبتحبش المسقعة ولا بتحب الطبيخ من أساسه
منتظرين
السلام عليكم
رامى الحاج
بجد كلام حضرتك افادنى واسعدنى جدا جزاك الله خيرا
ويارب يتقفل قدامنامداخل الشيطان كلها يارب
ليا بس ملاحظه حضرتك مختش بالك انى 3بوستارات كانو فى الشهر ده
طيب هى البوسترات اللى قبلها محسبتهاش ليه ولا مكنتش !!!!كويسه
لاالله الا الله
مبدأيا بتأسف على موضوع ال 3 بوستات دى غلطة مطبعية فى البروسيسور بتاع دماغى معلش عديها المرادى
أكمل تعليقى اللى فات
كان فيه بوست عندك اسمه صورة صعبة
وأظن ده كان أول بوست علقت عليه أو خلانى أتصفح المدونة
أنا شايف ان ده بوست تناول مشكلة خطيرررة جدااااااا و ناس كتير مش واخده بالها منها
و انتى بده أثرتى حماسة ناس كتير انها تحمد ربنا على نعمه الكثيرة
و تحاول تهتم بالناس دى
انا مثلا في يوم شفت واحدة ست عجوزة واقفة على محطة القطر و قاعدة تلم بقايا برتقال ملقاة على الأرض من أحد البائعين بجوار المحطة بجد مشهد أثر فيا جداااااااااااا
و انا شايف ان البوست بتاعك كان سبب ان الواحد لما يشوف الموقف ده ميعديش و يتذكر اللى اتقال فى البوست و يركز فى المشهد ده و يحمد ربنا و يحاول يساعد الناس دى على قد ما يقدر
بجد اقعدى مع نفسك قعدة حلوة كده و شوفى اعلان الفيلم على مدونتى كده و خدى رست لمدة يوم و نص و
ابدأى ورينا بقا ماذا فى حقبة فتاة الأندلس
بالمناسبة أنا اسمى رامى حجااااااج مش رامى الحاج
تحياتي
أسأل الله ان يصلح سريرتك...و يحسن نيتك
و طالما انك تكتبين في غير معصية اختي الكريمة فلا باس عليك ان شاء الله.
و الكلمة الطيبة صدقة...و ادخالك السرور علي اخيك من افضل الطاعات
فربما تكونين الاثنتين للقراء...
تحياتي و تقديري
انتى لسه مجددتيش نيتك
يلا بسرعه ده اخوانا اتحبسوا
يلا مستنيين مقالك
ليه يا روينا ..اوعى تاخدى القرار ده بشكل نهائى ..تراجعى عنه ... انت كده هتخلى الشيطان يضحك عليكى ..يعنى انتى النية عندك موجوده ..جدديها ..لكن متنقطعيش .كده قلت صوتك احسن بالنسبه للشيطان ..انتى فاهمانى ..
يا حبيبتى ..حاولى جاهدة ان اعمالك تكون خالصة ..بس متخليش المحاولات الدؤبة دى تحبطك ..بالعكس ..خليها تزودك .. "اوغلوا فيه برفق " ده كلام رسولنا عليه الصلاة والسلام ..وده كلامو عن الدين ..على فكرة ..ممكن احساس الانسان دايما بالتقصير ادام ربه ..يحبطه ..ويخليه يسيب الموضوع كله ..
وافتكرى دايما .ان اى شىء جيد هتكتبيه ..هيكون احسن كتير من قلة كتابته ..والنية محلها القلب ..واهم حاجة انك بتفيدى اللى حواليكى ..وبعد كده ربنا يكرمنا ويرزقنا الاخلاص ..
اسفة للاطالة ..
والسلام ختام
الربان
جزاك الله كل خير على كلام حضرتك
وجزاك الله خيرا بانك اعطيتنى نوايا
لكتابتى
اوعى تفكر
لانملك غير الدعاء وقول
حسبي الله ونعم الوكيل
سمر
كلامك من القلب للقلب
انى احبك فى الله يارب نجتمع دائما على طاعه ونعين بعض لننصر اسلامنا
السلام عليكم ورحمة الله وبركاته
من اجلك
من اجل الحريه
من اجل كل مدون مصري
من اجل الدفاع ع ن حقوقنا
يتشرف اتحاد المدونين المصريين بدعوة سيادتكم لحضور اجتماع الاتحاد يوم 25 / 4 فى كافيتريا المحروسة التابعة لفندق المحروسة للقوات المسلحة بالاسكندرية الساعة العاشرة صباحا . وتفضلوا بقبول فائق الاحترام مع تحيات اعضاء اللجنة الاجتماعية وادرة منتديات اتحاد المدونين المصرين
ولي اي استفسر
تا بعونا ع البريد التالي
ahmedhiqal@yahoo.com
وكماندعكم بالمشاركه في منتدكم
الجديد
منتدي لك
فوجب عليكم التسجيل
في اتحاد المدونين
المصرين
الذي يضم
نخبه
من اهم الشخصيات
محماين
وصحافه
واعلام
ننتظركم
http://egtadwin.yoo7.com/index.htm
Excellent website you have here but I was wanting to know if you knew of
any user discussion forums that cover the same topics discussed here?
I'd really love to be a part of community where I can get suggestions from other experienced people that share the same interest. If you have any suggestions, please let me know. Thank you!
Feel free to surf to my web blog - acoustic guitar chord
إرسال تعليق