ادينى اتاسفت اهوت لانى غلطت فى حقكم يا مصريين غبت عليكم فى وصفاتى الجهنميهبس انا معزوره كل مقول هكتب لكم وصفه الاكلات اللى متربيا عليها زى الوست بيف وال جريك وهوت دج
ارجع اقول مش هيعرفوها قلت هدور على الاكل اللى انتم!! متعودين عليه لاكل الشعبى يعنى وقلت فرصه اكله ولو مره
فى حياتى المهم قعدت افكر هعلمكم ايه واستقريت على الطعميه بس رجعت فى كلامى قلت تلاقيكم من كتر مبتكلوها اتقنتوها
فقلت هعملكم مسقعه تكلو صوابعكم وراها فنزلت اجيب الباذنجان من السوق ملقتهوش خالص قلت لام نوال بتاع الخضار
انا:هو لحق خلص ده انا جيت بدرى المره دى
ام نوال:الله يخليكى ياروينا حلى عن نفوخى
انا: هو انا جيت جنب نفوخك يا طنط
ام نوال: الساعه واحده ونصف وتقولى بدرى بدرى من عمرك ياختى
انا:ياخساره ده انا عايزه احطو على مدونتى
ام نوال: مدونتك يعنى ايه وبتحطيها على البدنجان زى اللحمه المفرومه يعنى
انا:الله ينور عليكى طيب منتى بتشغلى نفوخك اهوت بس الفرق متحطيش عليها طماطم
ام نوال: طيب يختى هبقا اجربها
انا :عايزه بقا بدنجان يا ام نوال
ام نوال:معلش ياروينا انا معمتش بجيب كتير منه لان مفيش حد بقا بيشتريه
انا:ليه عشان صعوبه طريقه طبيخو اطمنى يا ام نوال هعلمهم
ام نوال: ياشيخه روحى علمى نفسك الاول
انا :بتقولى حاجه
ام نوال :بقول ان شاءلله منتحرمش منك وعشان خاطر عيونك فى 6بدنجنات كنت عيناهم لمدام سوزان
مش خساره فيكى
انا : ربنا يخليكى ليا وهعمل لنوال طبق تاكل صوبعها وراها
ام نوال:الله يخليكى لا ده نوال لسه فى المستشفى من يوم طبق الرز
انا: الف سلامه على نوال ياطنط وان شاء الله هعملها بسبوسه واروح ازورها
ام نوال:لاوالله متتعبيش نفسك وخليكى واكنك جيتى لها
انا : مع السلامه
استغربت اوى ليه الناس مبقوش بياكلو باذنجان واخذت قرار على عاتقى انى هنشر طريقته واعرف سر ندرته
وانا ماشيه سمعت صوت بيتكلم بصيت ورايا ملقتش حد بينى وبينكم اتوغوشت اوى وطلع الصوت من6 بدنجنات هما اللى بيتكلمو
قلت الحمد لله بحسبهم حاجه تانيه وهقول لكم الحوار اللى دار مبينهم اللى خلانى اعرف
ليه طبق الخضار بقا نادر !!!
وايه هيا الظروف الخاصه!!!
.jpg)
هناك 13 تعليقًا:
السلام عليكم
أعزك الله يا أخت روينا
بس تصدقى أنا حاسس أن الشعب كله زى أم نوال طهأن من نفسه ومش عارف حاجة فى دنيته يعنى لو أحتجتى مساعدة حد مش هتلاق اللى يفيدك
عموما عايزين نعرف الحوار والطبق ده هتقدميه لماما حكومة طبعا حبيبتك
أحنا منتظرين
مرحبا بيكى يا اخت روينا
وحشتنى وصفاتك الهايله جدا
من ساعت اما العيال خرجو من المستشفى و هما اعدين فاضين
مستنيه الوصفه على احر م ن الجمر
و الحوار اللى دار طبعا
اعتقد مش هيختلف كتير عن حواراتنا اليوميه
عموما عاش الريس
عاش الريس و احنا مش مهم
عاش الريس و احنا مش مهم
عاش الريس و احنا مش مهم
السلام عليكم
هو فعلا محدش بيشتري بدنجان بس ليه هو تقريبا خلاص محدش هيشتري حاجه خالص الايام دي جت علي البدنجان يعني وبعدين انا ماحبوش الا في المسقعه بس ياريت تبقي الوصفة قريبه من المسقعه
علي فكرة
انا واليعقوبي نفس المدونات يارب ثبات علي طريقك ,وعاصفة النار ,مفيش مدونه منفصله لكل واحد هي مدونتين مشتركتين بينا
وجزاكم الله كل خير وفي انتظار الوصفة
السلام عليكم
اول حاجة "الوست بيف وال جريك وهوت دجاج "
البتاع دا اول مرة اسمع اسمه ولا شوفته قبل كدا اصلالالالالالالالالالالالالالالالالا
طبعاااااا ... لأنك بتتكلمى مع واحد من كفر الدوار
هععععععععععععععععععععععع
انتى تعرفى .. هاتى بس البتنجان دا
والله ابويا بيعمل حبة بتنجان ملهومشى حل
اوعىىىىى وشكككككككك
بروح اقول للراجل هاتلى كيلو بتنجان بكبة او طويل
وهوا بيظبطه بقا ...
بس يا روينا . المدونة دى ممكن تتحط على البتنجان ؟؟غلشان لو كدا اقول لأبويا يجيب له مدونة وهوا جاى من الشغل يحطلنا واحدة ولا حاجة !!!!
لي فكرة بقي يحيي بطنو لسه وجعاه من اخر مرة
وبيقولك ياريت يا طانت روينا تراعي ان في ضحايا ملهومش ذنب امهاتهم بتشوف المدونة وتجرب وصفاتك عليهم
السلام عليكم ورحمه الله وبركاته
صلو على النبى عليه الصلاه والسلام
عمر المصرى
لك حق والله الناس كلها بقا خلقها ضيق اوى
وعلى فكره الطبق عملاه لعمو سحلول مخصوص يكلو سم ويرجعو دم
ومطرح ميسري يهرى
لانى زهقت اوى من عميلو فينا
سكر بنات
وحشتينى ياسكر محدش بقا بيشوفك ليه
بس عذراكى هتلحقى على زياره العيال و خطيبك فى المستشفات ربنا يكون فى عونك
وانا بقول حاجه غير اللى انتى بتقوليه
عااااااش الرئس واحناااا ش مهم
الفاتح الجعفرى
ان شاء الله هينكشف السر الخطير لندره الباذنجان بعد منسمع السر من البدنجنات نفسها
لا مسقعه ايه بس ده كان زمان الوصفه الجديده متخرش الميه حتى اسالو ام نوال على وصفاتى
ويارب يجعل مدوناتكم فى ميزان حسناتكم
جزاك الله خيرا
اخوانى حتى النخاع
لا مفيش حد هينفسنى فى عمايل المسقعه
وكان زمان لما تقول للراجل هات كيلو بدنجان لان اساسا معدش فى بدنجان فى السوق
وهتعرفو السر المره الجايه ان شاء الله
حياك الله
ام يحيى
اساسا يحيى ده مش طفل طبيعى ده ياكل الزط
يستاهل انه كل من وصفاتى سلميللى على يحيى اللمض ده
انا احتج .....والدى احسن واحد بيعمل بتنجاااااااااااااااااان
هههههههههههههههههههه....
ادينا مستنيين ....
شكل المدرسين بيشوفوا مدونتك وبيروحوا يجربوا أكلات على العيال فى المدارس
علشان كدا فيه حالات كتييير متصابة بتسمم غذاائى
هههههههههههههههههه
يحيي بيقول لحضرتك ياطانت ربنا يسامحك
السلام عليكم ورحمة الله وبركاته
أزيك يا أخت روينا أخبارك ايه يا فتاه الأندلس والله ليكِ وحشه، من بعد ما بقيناش نروح النادى والكل بقى واحشنى المهم مدونتك ى العسل زيك طبعا مالحقتش أقرئها كلها بس أكيد هتكون حلوه!! أم آدم وإسماعيل
أكيد عرفتينى
إرسال تعليق