حد فينا جاع قبل كده ؟ولو جعنا جعنا قد ايه؟
ولو جعنا سبب جعنا ايه؟
1_انا عن نفسى جعت قبل كده بس معدتهاش وعوضت فتره الجوع بافتراس
2_اما جعت قد ايه فده حسب التساهيل وقوه عزيمتى بس غالبا مبيزدش عن ساعتين
3_سبب جوعى لما كنت عامله رجيم ياه فكرتونى بايام زمان اللى مش عارفه ارجعها تانى
عارفين فى ناس بتغير دينها عشان كبايه ميهعارفين هما مين؟؟
عارفين دينتهم ايه؟
على فكره كان فى صور اصعب من دى كتير وكنت هحطها بس اختى قالت لى بلاش عشان متتنفروش من الموضوع
الصراحه مقتنعتش اوى قلت احنا مش قادرين بس نشوف الصور طيب اللى فى الوضع نفسه هيعملو ايه
طيب بعد مشفنا الصور هنعملهم ايه ؟؟؟؟
واعلمو بانه لن يسبقنى الى الله احد
طيب بعد مشفنا الصور هنعملهم ايه ؟؟؟؟عارفين فى ناس عملولهم عارفين هما مين !!!
مش مسلمين جماعه التنصير قالو لهم احنا بنسعدكم واخوانكم المسلمين مش بيسعدوكم وللاسف فى منهم ارتد عن الاسلام عشان ياكل ويأكل عياله الا من رحم ربى
مش هنقول ملناش دعوه لا كفايه سلبيه
لو كل واحد وكل واحده فينا نزل الصور دى ولزقها فى نوته صغيره
وجاب صندوق هدايا وفتحو من فوق ومرر النوته والصندوق على صحابه وقرايبه
وجيرانه وجمع تبرعات واعلمو ان الله لايضيع اعمالنا
نروح لاى بنك ونحط الفلوس على الحساب ده
للتبرع من مصر :عن طريق حوالة لحساب جمعية العون المباشر في الكويت ، بالمعلومات التالية :
بيت التمويل الكويتي - الفرع الرئيسي رقم الحساب (54686)
واعلمو بانه لن يسبقنى الى الله احدوهننصر اسلامنا بأذن الله
وفى ذلك فليتنافس المتنافسون
ومتنسوش تجديد النيه والدعاء
.jpg)
هناك 31 تعليقًا:
مش ممكن ,... أنا اول تعليق؟
مبدأيا حمدا لله على سلامتك من اضرابك عن التدوين
و أسأل الله ان تكونى قد جددتى نيتك و ان يتقبل الله منك
الصراحة موضوع النيجر ده بالذات احنا فى مصر و اعتقد المسلكين عموما مش واخدين بالهم منه خالص
يعنى احنا مهتمين بفلسطين و أفغانستان و الشيشان و غيرهم لكن محدش سلط الضوء خالص على موضوع النيجر ده
ف بجد
جزاكِ الله خيراً كثيرًا على التذكرة و ربنا يتقبل منا و منك
يووووووووووووووووه برده ملحقتش الرد الاول
يالا خيرها فى غيرها
طبعا عندك حق فى كل كلمه قولتيها يا روينا
احنا لازم نعمل حاجه و كفيانا سلبيه و قولت انا مالى
هو اللى بيحصل لينا ده شويه
اللى معاه مش عايز يدى للى مش معاه
الحمد لله اللى من علينا بنعمه الكتيره اوى اوى و من اولها الاسلام
و طبعا جزاكى الله خيرا على تذكرتنا بالناس دى
الواحد كان فعلا نسى الجماعه دول
و كانت الازمه بالنسبه لينا فى العراق و فلسطين
ربنا يثبتهم و يعنا على مساعدتهم
عزيزتى
عارفه المشكله ايه
اننا مش بنحس ببعض بجد
اننا مش عارفيين مقدار الالم اللى بيحسه الناس دى
الجوع مش بنجوع زى الناس دى ابدا
المقاومه مش بنشوف اللى بيشوفه المقاوم ابدا
اطبعا الصور دى توجع قلب اى انسان بس بعد ما بتوجعه بيعمل ايه
اللى بيحصل فى النيجر حصل فى بلاد كتير قوى
واستغلال جوع الانسان ده علشان يغير دينه حاجه بتحصل من زمان برضوا
وطبعا اللى معاه يساعد وساكت ربنا اكيد هيحسابه حتى اللى مش بيساعد بالفلوس يساعد بالكلام والنصيحة
ربنا يعينهم يا رب
تحياتى
سلااام
رامى حجاج
الله يسلم حضرتك ويارب يتقبل
اه والله للاسف لسه عارفين موضوع النيجر مع انهم مسلمين
يارب يسمحنا على تقصيرنا فى حقهم
ويارب يقبل مننا محاولتنا لننصر اسلامنا
سكر بنات
متحوليش تلحقى اول تعليق لانى هنطلك فى اى مدونه واهزمك واقبليها تحدىىىىىى
سكر يلا عايزين نعمل حاجه للنيجر ان شاء الله هبعتلك الصندوق والصور قريب فى الكليه مع اختى ميمونه وورينا شطارتكم
ويارب يتقبل مننا
اختى الحبيبة:الحمد لله انك جددتى نيتك بسرعة عشان تمنعينا بكتاباتك وبجد الموضوع حلو جدا والصور عاملة شغل جامد وجزاكم الله خيرا لانى مكنتش اعرف رقم الحساب ده ولاكنت عارفة اتبرع لهم ازاى ربنا يكرمك وجعله فى ميزان حسناتك
احساس لكل النساء
فعلا عند حضرتك حق
والله لو حسينا بالجوع بحق وحقيقى مكنش ده هيبقى حالهم
لو حسينا بكل مظلوم عمرنا مهنظلم
لو حسينا بالمقاومين كنا هنبقى معاهم
جزاك الله خيرا على مرورك
monaliza
الحمد لله الذى هدانا لهذاو
ماكنا لنهتدى لهذا لولا ان هدانا الله
جزاك الله خيرا يا امه الله
ولسه المنافسه شغاله
السلام عليكم
دى اول رد
بس مس اول زياره لانى قبل كدا زرت المدونه ولقيت توبيك استودعكم الله
بس حسيت انك هتخدى قرارك بسرعه
بصراحه موضوعك ربنا يباركلك فيه
ويجزايكى خير عليه ان شاء الله
السلام عليكم
اختى الفاضلة روينا
كان فيه شريط كامل للشيخ خالد الراشد عن معاناة أهل النيجر المسلمين فى زيارة خاصة له وقال إنه رأى ناس تصرفاتهم مثل تصرفات الصحابة رضوان الله عليهمم تعرضوا لفتن التنصير ومع استغلال هذه المأساة والمجاعه فقد استطاع بصبره وتصرفاته أن يؤثر فى المنصرين وأسلم من المنصرين بسبب عدم الخضوع وحكى ان أمرأة منصرة قد أسلمت لما سمعت الأذان
الله اكبر يا شعبنا المسلم لكم الله
Abo 7anf
حضرتك شرفتينى بزيارتك لمدونتى المتواضعه
واتمنى ان تتكرر
جزاك الله خيرا ياخى
عمر المصرى
والله فرحت بكلام حضرتك جدا
الحمد لله لان اللى بيرتد عن الاسلام بيكون تحت ضغط و عمر محد عرف اسلامنا الا ورضى بالاسلام ديننا
يارب يعنا على نصر الاسلام
اللهم استعملنا ولايستبدلنا
ويجزى الله كل خير لشيخنا خالد الراشد
جزاك الله خيرا وجعلة فى ميزان حسناتك
وربنا يكون فى عون كل مسلم على وجه الارض
بوست جميل
ربنا يوفق حضرتك الى مافيه الخير
ويجعله فى ميزان حسناتك
اختنا روينا
ربنا يحفظ حضرتك
فعلا صور صعبه جدا
وحالهم اكيد اصعب ربنا يعفو عنهم ويغفر لنا تقصيرنا نحوهم
فعلا ياريت نحس بهموم امتنا ونحاول نعمل حاجه ,من الاخبار التي سمعتها واسعدتني ان في موسم الحج تقوم المملكه العربيه السعوديه بتوزيع لحوم الاضاحي غلي دول افريقيا الفقيرة وتلعب منظمة الاغاثه الاسلاميه دورا رائع في ذلك
استخدمنا الله لنصرة دينه
وهننصر اسلامنا بأذن الله
جزاكم الله خير
Khaled Farag
جزاك الله خبرا يااخى
وشكرا على مرورك
حسام يحى
امين يارررررب
جزاك الله خيرا
الفاتح الجعفري
جزاك الله خيرا
الحمد لله ان فى ناس فيها الخير
وان شاء الله ربنا يرزقهم الفردوس الاعلى على ثواب اللى بيعملوه لافرقيا
لانهم بجد محتاجين اوى
جزاك الله خيرا مره اخرى على البشري الجميله
السيدة الكريمة
تابعي على مدونة قولاً سديداً رد الحكومة الهولندية على حملة المدونة لدعوة الحكومة الهولندية لسن قوانين ردعية تمنع حدوث الإستهزاء بالمقدسات الدينية ورد المدونة عليهم على الربط التالي
http://kawlansadida.blogspot.com/2008/04/blog-post_18.html
وجزاكم الله عن نبيكم خيراً
بارك الله فيكى
حمدالله علي السلامة من رحلة الهجرة علي التدوين
موضوع جميل وموثر اتمني لكي التوفيق
ابراهيم
مدونة لحن الغروب
اتمني التواصل المستمر بيننا
اولا
الحمد لله ان انتى خلصتى تجديد النيه
ورجعتى تانى
ثانيا
كويس اوى انك نشرتى موضوع
النيجر
لان فعلا اخوانا فى النيجر من
حوالى سنتين مش لاقيين اللقمه
وكويس ان حد اختم فى الموضوع ده
كمان انا كنت سمعت شريط للشيخ خالد الراشد عن النيجر واحوالها
واد ايه رغم انهم فى جوع وتعب
الا انهم متمسكين باسلامهم
وبيصلو قيام مثلا حوالى 5 ساعات متصله
ورغم اللى هما فيه
لكن مش بيسكتوا للجماعات التبشيريه اللى منتشره فى كل مكان
وان معظمهم بيقفوا ادام الجماعات ديه
فجزاهم الله خير وفك كربتهم
الواحد لما بيشوف
مشاكل المسلمين فى انحاء الارض
سواء فى النيجر او السودان او فلسطين
وفى كل مكان حتى الدول الاسلاميه منها
من اضطهاد وتعذيب وقتل وقهر
يحس اننا كالغثاء كما قال الرسول
وعلى فكره فكرت التبرع دى عظيمه
وانا عن نفسى هكون ايجابى وهكلم
اهلى واصحابى فى الموضوع ده
وهبتدى بنفسى ان شاء الله
انا استفدت من الموضوع ده كتير
وانتى فتحتى عينيا على مشاكل المسلمين
عشان كده احتمال اكتب فى مدونتى عن مشاكلهم
السلام عليكم
ازيك يا روينا ؟؟
معلش .. كنت فى حداد
ماما:طيب الحمد لله اصلا ان فيه ببيض وبطاطس ده فى ناس بتموت من الجوع
الكملة دى الحاجة الوالدة بتقوللها دائما .. انا برده غالبا زيك
آكل مثلا فى الفطار طبق فووول كبير أوىىى وأول لما بابا يجى . بقول مين الى عاوز فووول ؟؟ اقوله انا
آلاقى البيت كله قام عليا
وعلى حاية النيجر والصومال .. بجد حاجة مؤسفة جداااا
والصور الى انتى حطاها غنية عن الكلام
شكراا ليكى للبوست دا ..
تعالى شوفى أول بوست بعد الحداد
how about your natigaaaa
جزاكي الله خيرا يا روينا علي البوست ده
فعلا التنصير في افريقيا موجود بصورة مفزعة
دوله زي اوغندا تعداد المسلمين فيها كان اغلبية من خمسين سنة فقط
دلوقتي نسبة المسلمين فيها في افضل واكبر الاحصائيات حوالي15%
بجد حاجة مؤسفة
واحد زي بيل جيتس بتاع مايكروسوفت
اتبرع في سنة واحدة بمليييياااار دولاااار عشان جملات التنصير
والمسلمين نايمين في العسل
لو كل واحد طلع زكاة ماله واداها للي يستحق فعلا هتكفي المسلمين دول ونحفظهم من الفتنة في دينهم زى ما د\عبد الرحمن السميط بيقول ربنا يجزيه كل خير
بجد بوست رائع وهايل بالرغم من انه مؤلم والصور حقا مؤلمة للغاية والتنصير مش موجود في افريقيا بس دا وصل لمصر في قري بدون داعي لذكر اسمها بدات حملات التنصير فيها بسبب الفقر المشكلة اننا مفروض نحس بالناس دي مش مجرد تعاطف وبس كل دول سنسال عنهم يوم القيامة
احيكي علي موضوعك الهايل
تقبلي مرورنا
السلام عليكم ورحمة الله وبركاته
حبيت اشكرك على موضوعك وعلى اسلوبك الحلو يدخل القلب بدون استاذن
جزاكِ الله خيراً كثيرًا على التذكرة و ربنا يتقبل منا و منك
اختك ام بدر
Best casinos in Arizona 2021
Best Casino 원벳 먹튀 in the World 2021 마블 슬롯 - Explore 바카라양방 our list of the top 25 online 먹튀 사이트 먹튀 프렌즈 casinos based in Arizona. Discover the top slots 리턴벳 and table games at the best casino
إرسال تعليق